Veilings
Kommersiële veilings van kleinvee en grootvee, stoetveilings, losgoed en totale uitverkopings word deurlopend deur die jaar gehou. Gereelde kalenderveilings word gehou te Upington, Olifantshoek, Kuruman, Postmasburg, Vanzylsrus, Loubos, Askham, Griekwastad & Winton. Vir 'n skedule van die veilings, kliek op ons Veilings skakel.

Beskikbare Dienste
Skakeldienste van aanteel- en slagvee sowel as klassering van diere word deur ‘n goed opgeleide span bemarkings beamptes hanteer. KLK beskik oor ‘n sonar-masjien om kliënte te help om die dragtigheid by diere te bepaal. Klassering van ooie en hulp met die aankoop van ramme kan met die onderskeie beampte gereël word.

Abattoir's
KLK beskik oor abattoir’s te Upington, Calvina & Carnarvon waar kleinvee en grootvee (Upington) geslag kan word. ’n Premie word betaal aan karkasse wat voldoen aan die vereistes van ‘n Nismark lam.

Voerkrale
‘n Goed toegeruste voerkraal met ‘n staan kapasiteit van 8000 kleinvee is tot die produsent se beskikking om hul diere af te rond gedurende droogte tye. Baie goeie resultate word behaal deur doeltreffende bestuur by die voerkrale.