Wingerdrobot word bekend gestel

’n Span navorsers hier op eie bodem het onlangs ’n prototipe van Suid-Afrika se eerste wingerdrobot bekend gestel. Dié vernuftige toestel beloof om met behulp van gevorderde tegnologie, wingerdverbouing in Suid-Afrika volhoubaar en toekomsgerig te maak.

Die Dassie, soos die robot bekend staan, is “gebore” nadat die wingerd­kundeplatform van die Instituut vir Wingerd- en Wynwetenskappe (IWWW) September laas jaar ’n robotika-projek van stapel gestuur het. Die instituut voer aan daar word reeds in ander lande met wingerdrobotte geëksperimenteer. Om een in te voer en hier in Suid-Afrika te onderhou sal egter baie duur wees.

’n Wingerdrobot soos Die Dassie kan ’n ruimtelike oorsig van ’n wingerd gee. Hommeltuie kan dit ook doen, maar is onder­hewig aan streng wetgewing en word ook beperk deur weer­toestande soos wind en reën. “Dié inligting kan help om te bepaal waar presies die beste plek binne ’n wingerd is om byvoorbeeld grondvog­meters te installeer of hoe om die metings in konteks te plaas met die res van die wingerd,” voer die span aan.

Klik hier om meer te lees.

Foto: Netwerk24